توهان .. وحيرة .. وقلق د. طارق قطب

 بقلم . الاعلاميه / نهال العيسوي

عدم استقرار .. مش قادر ترسي علي بر ..

مابقاش في حاجه في الدنيا تبهرك او تسعدك او تخليك تتمسك بيها ...

قريب لكل الناس .. لكن محدش قريب ليك ..

بتفهم الكل .. ومحدش فاهمك .. تقريبا لانك انت اصلا مش فاهم نفسك ..

عمال تمشي في كل اتجاه شوية ..

مش عارف انت مبسوط ولا زعلان .. حالة رمادية ..

مافيش حاجة واضحة ..

مافيش حاجه محددة مزعلاك ..

مافيش مشكلة معينة مش لاقي ليها حل عشان تقول انها هي السبب ..

مش عارف انت عايز توصل لايه .. ومابقتش تحاول تعرف

اصل كل حاجه حاولت توصل ليها ماوصلتش ..

برغم انك جاهدت وعافرت واتحملت كتير قوي عشان توصلها .. انت ماقصرتش .. وعملت اللي عليك وزيادة واخدت بكل الاسباب ..

ومع ذلك بردة بتوصل ل نقطة #الصفر

لغاية ماوقفت مكانك .. وقفت محلك سر ..

مش عارف تتقدم خطوة .. ولا ترجع خطوة ..

مش عارف هل انت اللي وقفت ولا الزمن اللي وقف بيك..

مابقتش مستني حاجه تحصل ..

ومابقتش تستغرب اي حاجه تحصل ..

وصلت لمرحلة #كله_محصل_بعض