#مش_أي_حد_تلجأ_ليه

بقلم . الاعلاميه. نهال العيسوي

مش أي حد تقوله محتاجلك .. مش أي حد تسمح لنفسك انك تبين ضعفك قصاده ..

في ناس لما هتبين ليهم ضعفك هيكسروك اكتر .. ويدوسو عليك أكتر ..

في ناس بدل مانت فاكر انك هتستقوي بيهم هتكتشف انهم هما اللي هيدمروك ويقضو عليك ...

فتح عينك وقلبك كويس قبل ماترمي نفسك في ايد حد مش هيرحمك ولا هيرحم ضعفك ووجعك وقلة حيلتك ..

عشان كدة ماتقولش كلمة (محتاجلك) غير للي انت متأكد انه هيحس بيك بجد .. اللي هيفضيلك نفسه ويسيب الدنيا كلها ويجري عليك ويقولك انا معاك وجنبك وسامعك ..

غير للي انت عارف انه هيطبطب عليك ويستوعبك ويفهم كلامك حتي لو متلخبط ومش مترتب ..

ماتقولش (محتاجلك) لأي حد.